Добивај вести на Viber
Цената на нафтата на светските берзи и натаму паѓа, овојпат како директна последица на информациите за зголемени залихи во САД и податоците за намален трговски раст на Германија и Кина.
Барел американска „лесна“ нафта за терминска испорака во јануари на меркантилната берза во Њујорк поевтини за 86 центи на 62,96 долари за барел, додека северноморската нафта од типот „брент’ за јануарска испорака на берзата во Лондон е поевтина за 81 цент и се продава за 66,03 долари за барел.
Американските резерви на нафта се очекува да достигнат рекордно високо ниво, како резултат на домашното производство на нафта од шкрилци.Официјалниот извештај се очекува денеска, но според проценките нивното ниво се очекува да биде значително повисоко од просекот за овој период од годината.
Дополнителен притисок врз цената на нафтата предизвикуваат и трговските податоци од кина и Германија, кои сигнализираат пад на глобалната побарувачка. Имено, извозот на Германија во октомвр, на месечно ниво, опаднал за 0,5%, а увозот за 3,1%. Извозот на Кина, пак, на годишно ниво, се зголемил само за 4,7%, додека увозот опаднал за 6,7%.