НАЈАВЕН ШТРАЈК: Неизвесен почетокот на учебната година
Објавено во: Македонија 23 Август, 2019
Неизвесно е дали на 2 септември ќе започне учебната година.
Самостојниот синдикат за образование, наука и култура – СОНК, под притисок на своето членство донесе одлука на 2 септември (првиот учебен ден) да стапи во предупредувачки штрајк. Ова се случува по долги преговори со Министерството за образование и наука и Владата, а синдикатот не го прифаќа зголемувањето на платите од 5 проценти и бара покачување од 25 отсто.
Денеска и покрај обидите од страна на Министерот за образование и наука, Арбер Адеми да го убеди членството на СОНК дека во иднина ќе има зголемување на платите, СОНК одлучи да стапи во предупредувачки штрајк. Тие бараат што е можно поскоро да се се подобри лошиот социо – еконмскиот статус на просветните работници во кој тие се наоѓаат.