Најбогатиот саудиски принц низ Загреб вози велосипед, ќе ги посетел и другите земји во регионот?

Добивај вести на Viber

Најбогатиот Саудиец, „арапскиот Ворен Бафет“, внук на првиот саудиски крал, принцот Алвалид бин Тала бин Абдулазиз ал-Сауд, пристигнал во ненајавена посета на Загреб, во придружба на 30-тина свои соработници. Саудискиот принц-милијардер е на подолга турнеја низ Европа, до неодамна бил во Монте Карло, а во Хрватска застанал за да испита какви се можностите за инвестирање и во кои сектории. Меѓутоа, пристигнувањето во Загреб, а потоа и посетата на остатокот од Хрватска е релативно тајно, бидејќи принцот сакал и да се одмори - државните институции не биле известени за посетата, а слободното време тој го поминува возејќи велосипед низ градот со своите соработници. Додека целиот хрватски државен врв бил на одбележување на годишнината од акцијата Бура вчера, принцот се возел на велосипед низ центарот на главниот град без официјални церемонии. Принцот Алвалид во Хрватска пристигнал со својот Боинг 747 и отседнал во луксузниот хотел „Еспланада“, во претседателскиот апартман. Според најавите на хрватски „Јутарњи лист“, тој веројатно ќе ги посети и другите земји во регионот, но притоа не плаира никакви официјални состаноци. Повеќе за богатството и луксузниот живот на овој принц, прочитајте на следниот линк: Запознајте го саудискиот Ворен Бафет