НАЈВЕРОЈАТНО СЕ ИСПЛАШИЛО ОД КУЧИЊА: Ренџерите спасиле заглавено мече на дрво во двор во Маврови Анови
Објавено во: Македонија 14 Јуни, 2024
Спасено е заглавено мече во Маврови Анови.
По повик од Центарот за управување со кризи(ЦУК), утрово ренџерите на Националниот парк Маврово спасиле заглавено мече на дрво во двор на викендица во Маврови Анови. Мечето, најверојатно исплашено од лаењето на бездомните кучиња, успеало да им избега и да се качи на дрвото. Откако ренџерите ги избркале кучињата, мечето само слегло од дрвото и отрчало кон блиската шума, информираат од ЦУК.
Пред два дена, мечка изеде неколку овци во селото Равен. Лани мечките се шетаа во селата во западниот дел на Македонија, и влеваа страв кај населението.