Најзабавен град на светот е …
Објавено во: Стил 16 Ноември, 2014
Ефтино пиво, супер ноќни клубови и многу можности за забава на возрасни, на местото на најзабавниот град на светот Берлин.
Престолнината на Германија ја доби оваа титула во конкуренција помеѓу 1800 светски градови, а критериумите според кои градовите се оценувани се барови, клубови, шопинг центри, можност за забава за возрасни. Факторите како просечната цена на пивото, како и на на тоа дали е дозволено конзумирање на алкохол на јавно место, исто така влијаеле на оценките.
Меѓу градовите кои нудат одлична забава, се најде и Лондон на второ место, посебно поради добрите клубови и музички концерти, додека Токио добил добри оценки за барови и шопинг центри. Освен што Берлин е прогласен за најзабавен град на светот, пивото во овој град било најефтино меѓу 25 градови.
Истражувањето е спроведено од страна на „Get Your Gide“, сајтот за патување, а засновано е врз анализата на податоци од различни сајтови ширум светот, помеѓи останатото и „Трип Адвајсор“, но и на анкетата во која учествувале 2000 лица.
Париз влегол во „топ три“, на четврто место е Њујорк, потоа следат Токио, Хамбург, Рим, Виена, Барселона и Истанбул на десето место.
На оваа листа, меѓу првите 25, се најде и Дубаи, Њу Делфи, Москва. Добра забава има и во Рио де Женеиро кој ја заземал 18 позиција додека Бангкок е на 22 место.
