Наќе Чулев потврди дека има голема операција во Крушопек
Објавено во: Македонија 19 Февруари, 2020
Полициската акција во селото Крушопек поради недозволена трговија со дрога ја потврди и министерот за внатрешни работи Наќе Чулев на Фејсбук.
Тој објави дека „Министерството за внатрешни работи во овој момент презема широк спектар на оперативни мерки и активности“.
„По насоки на јавен обвинител и по наредба на судија на претходна постапка се вршат претреси на подрачјето на село Крушопек во близина на Скопје поради недозволена трговија со дрога. Целиот капацитет на Министерството за внатрешни работи е ставен во заштита на граѓаните и безбедноста на државата. Помина времето кога високото раководство во МВР соработуваше и ги поддржуваше криминалните структури во државата. Повеќе информации за јавноста ќе соопштиме во текот на утрешниот ден“, напиша Чулев на Фејсбук.
Засега не се соопштува за каква дрога се работи и за колкаво количество.