Намален данокот за пелети, се очекува и пад на цените во продажбата
Објавено во: Економија 01 Јануари, 2017
Стапи на сила повластенатa даночна стапка за печки на пелети, како и за пелетите, што значи дека ДДВ-то од 18% се намали на 5%. Тоа се очекува да има влијание и на крајната цена на овој вид на извор на греење.
Пелетите се промовираа како едно од решенијата за намалување на загадувањето, како и за поекономично загревање на домовите.
Во нивното производство и продажба се вклучува и јавното претпријатие Македонски Шуми од каде пресметката е дека ако едно домаќинство троши три тона пелети во сезоната, тогаш со намалениот ДДВ ќе направи заштеда од најмалку 5 илјади денари.
Пелетите имаат убедливо најмала емисиона вредност во однос на јагленот, нафтата и огревното дрво. Печките, шпоретите и камините на дрва имаат фактор на загадување 9 пати поголем поголем отколку тие на пелети, а старите печки на дрва загадуваат и до 20 пати повеќе.
Субвенции за покрива на 70 проценти од трошокот или најмногу до 30 илјади денари за набавка на печки и котели на пелети најави и државата како мерка која ќе се спроведува оваа година, а град Скопје веќе додели субвенции на 196 домаќинства од општинскиот буџет.