НАПАД СО НОЖ НА УЛИЦА, НЕКОЛКУ ПОВРЕДЕНИ! Меѓу ранетите има еден полицаец, на терен голем број полициски возила

Добивај вести на Viber

Неколку лица, меѓу кои и еден полицаец, се повредени во напад со нож во холандскиот град Хофдорп, што се наоѓа западно од аеродромот Схипхол, јави белгискиот јавен радиодифузен сервис на холандски јазик ВРТ.  

На социјалните мрежи се шират информации за еден или двајца загинати, но холандската полиција засега не ги потврди овие тврдења, а не дава ниту информации за состојбата на повредените. 

Како што јави дописникот на МИА од Брисел, според ВРТ, полицијата рано изутринава добила пријава дека „нешто се случува“ во една куќа во Хофдорп, по што неколку полицајци пристигнале на местото на настанот. 

- Добивме пријава за инцидент со прободување со нож на улицата „Фани Бланкерс-Кенлан“ во Хофдорп околу 6:00 часот утрово. Неколку амбулантни возила и мобилен медицински тим се на лице место. Истрагата за инцидентот е во тек, објави Полициската управа на Северна Холандија на Икс. 

Според очевидци на настанот, „пет амбуланти возила“ заминале празни од пред куќата во која се случил инцидентот.  

Mass Stabbing reported in Hoofddorp, Holland

Several fatalities & injuries including a Police Officer in the small Dutch town near Amsterdam.

These heartbreaking scenes are repeated daily across Europe now. pic.twitter.com/FaZZ3JlMs5

— Concerned Citizen (@BGatesIsaPyscho) May 21, 2025

Холандскиот портал НХ јави дека во и околу куќата биле пронајдени „голем број ранети лица“, но дека полицијата „се уште не може да каже ништо за природата на повредите“.  

Според медиумските информации, повредениот полицаец е пренесен во болница, а на неговото полициско возило била забележана крв. Очевидци тврдат дека траги од крв, покрај на полициското возило, може да се видат на самата улица пред куќата. 

Куќата е блокирана и околу неа се поставени црни паравани, а во тек е форензичка истрага. 

Засега не е познато дали некој е уапсен во врска со нападот, за кој се уште нема детали.