НАТО ПРАВИ ПРОБЛЕМИ ВО СВЕТОТ - Кина ја повика Алијансата да не поттикнува новата Студена војна
Објавено во: Свет 30 Јуни, 2022
На самитот во Мадрид вчера, лидерите на НАТО ја опишаа Русија како „најзначајна и најдиректна закана за безбедноста на сојузниците“, опишувајќи ја Кина како „предизвик за интересите, безбедноста и вредностите на Алијансата“ и како „земја која се обидува да ги поткопа правилата, засновани на меѓународен поредок“.
Од друга страна, Џанг Џун, постојаниот претставник на Кина во ОН, го повика НАТО да не ги поттикнува конфликтите во блокот или новата Студена војна користејќи ја украинската криза како изговор.
Тој рече дека Кина е длабоко загрижена за новиот стратешки концепт на Алијансата, усвоен на самитот во шпанската престолнина. Кинеската агенција Ксинхуа објави дека Џанг рекол дека одредени лидери на Северноатлантската алијанса прогласуваат други земји за закана, а дека всушност НАТО е тој што предизвикува проблеми во различни делови на светот. Џанг нагласи дека Пекинг силно се противи на создавањето на азиско-пацифичката верзија на НАТО, пренесува „Република,рс“.
Во соопштението на Алијансата на самитот се наведува и дека НАТО ги повика Шведска и Финска да станат членки на таа воена алијанса, нагласувајќи дека приемот на Стокхолм и Хелсинки ќе ја направи нордиската земја побезбедна, НАТО посилен и евроатлантскиот регион побезбеден. Беше наведено и дека НАТО ќе продолжи да дава помош за Украина и дека Алијансата договорила пакет помош за модернизација на одбранбениот сектор на земјата, како и дека НАТО одлучил значително да ја зајакне сопствената одбрана и одвраќање.
Генералниот секретар на НАТО Јенс Столтенберг на самитот изјави дека Северноатлантската алијанса се соочува со најголемиот предизвик од Втората светска војна поради војната во Украина. По пристигнувањето во Мадрид, тој рече дека ова ќе биде историски самит кој ќе донесе значителни промени. Столтенберг изјави и дека очекува наскоро ратификација на Шведска и Финска во НАТО.
Можеби ќе ве интересира
СО НИВНИОТ ПАСОШ МОЖЕТЕ ДА ГО ПАТУВАТЕ ЦЕЛИОТ СВЕТ: Американскиот пасош паѓа сѐ подоле на листата
НАСА ОБЈАВИ НОВО ВИДЕО – ЈАГЛЕРОДНИОТ ДИОКСИД „ЈА ПОКЛОПУВА“ ПЛАНЕТАТА: Светот ја достигна највисоката температура досега
(ВИДЕО) САБОТАЖА НА ФРАНЦУСКАТА ЖЕЛЕЗНИЦА, ПОЖАРИТЕ ГИ ПРЕКИНАА ЛИНИИТЕ: Во пресрет на отварањето на ЛОИ во Париз
ГЕРМАНСКИОТ ГИГАНТ ОТПУШТА 30 ИЛЈАДИ РАБОТНИЦИ: Дојче бан со големи загуби, ќе намалуваат кадар
ПРИНЦОТ ХАРИ ЈА ОТКРИ ГЛАВНАТА ПРИЧИНА ЗА ОТУЃУВАЊЕ ОД МОНАРХИЈАТА: „Сè што кажувам за моето семејство резултира со злоупотреба“
ШОК ИЗЈАВА! ФБИ се сомнева дека Трамп бил погоден со куршум
УНГАРИЈА ГО ЗЕМА НАЈГОЛЕМИОТ КРЕДИТ ДОСЕГА: Еве колку пари позајмила од Кина
ПОТОНА ТАНКЕР СО 1,4 МИЛИОНИ ЛИТРИ НАФТА: Можна катастрофа за морето и брегот
НАЈБОГАТ ЧОВЕК НА СВЕТОТ ИМА СТРОГИ ПРАВИЛА ЗА СВОИТЕ ВРАБОТЕНИ: Смеат да слушаат музика, но поради едно нешто веднаш добиваат отказ
