Научи да негуваш стари лица за полесно до вработување во странство
Објавено во: Економија 04 Јуни, 2018
Курсевите за болничари и нега на стари лица станаа многу популарни во струмичкиот регион, бидејќи со стекнатиот сертифика многу полесно се обезбедува работа во Германија, Австрија, и други западноеврпопски земји, објави Тв21.
До сега околу 200 лица се имаат стекнато со сертфикатит за обученост, но многу повеќе луѓе се заинтересирани за наставата, велат од Отворениот граѓански универзитет „Јоска Јосифовски Свештарот“.
Директор на ОГУ „Јоска Јосифовски Свештарот“., Стојан Дончев објаснува дека имаат склучено договор со општата болница во Струмица, каде што кандидатите поминуваат дел од обуката за стекнување практични вештини.
„Фокусот и исходите од учење се претежно на негата на болни и изнемоштени лица. Програмата опфаќа неколку целини: анатомија, пружање прва помош и нега на болен. Минимум пракса од 120 часа е зацртана во програмата, односно ние велиме, еден месец секој од кандидатите да помине пракса во болницата по 4 часа дневно, сосема доволно за да се стекнат со тие елементарни знаења и вештини“, додава Дончев.