НАУЧНИЦИТЕ ДОКАЖАА, НЕМА НУС ЕФЕКТИ: Спутник Лајт е ефикасен во комбинација со други вакцини

Добивај вести на Viber

Вакцината Спутник Лајт покажува висока ефикасност во комбинација со вакцините АстраЗенека, Синофарм и Модерна во Аргентина, објави прес -службата на Рускиот фонд за директни инвестиции.

- Податоците добиени од Министерството за здравство на провинцијата Буенос Аирес покажуваат дека комбинираната употреба на Спутник Лајт со други вакцини и вакцинацијата со две дози само со Спутник Лајт е безбедна - нема сериозни несакани ефекти поврзани со вакцинацијата. Сите комбинации што беа користени за време на истражувањето се безбедни - се наведува во соопштението, пренесува Спутник.

Во моментов, во провинцијата Буенос Аирес, анализирани се податоците добиени по вакцинирањето на 121 волонтер кои ги примиле следните комбинации на вакцини: Спутник Лајт и АстраЗенека, потоа Спутник Лајт и Модерна, Спутник Лајт и Синофарм, како и Спутник Лајт во комбинација со Спутник V.

- Рускиот фонд за директни инвестиции им предложи на други производители партнерство за спроведување заедничко истражување за комбинирана употреба на вакцини. Таквиот пристап има најголеми перспективи за борба против пандемијата, вклучително и нови видови на корона вирусот што се појавуваат низ целиот свет - рече директорот на фондот, Кирил Дмитријев.

- Вакцината Спутник Лајт може ефикасно да се користи во комбинација со други вакцини, што е потврдено со истражување во Аргентина и други земји - додаде тој.