НБРМ: Неизвесноста на домашната политичка сцена и понатаму ризик за економијата

Добивај вести на Viber

Разгледувајќи ги состојбите во домашната движењата на меѓународните и домашните финансиски пазари и показателите за домашната економија во контекст на поставеноста на монетарната политика Централната банка на земјава заклучи дека неизвесните политички случувања и понатаму се ризик за економијата.

Монетарната поставеност  е соодветна, а економските и на финансиските услови овозможија на аукцијата да се понудат благајнички записи на ниво од 22.000 милиони денари, со непроменета каматна стапка од 4%.

Гувернерот и надлежните оценија дека  затегнувањето на монетарната политика на почетокот на мај, засега, е доволна реакција за притисоците на девизниот пазар и врз депозитната база на банките, предизвикани од домашни фактори од неекономски карактер.

Забележливи се видиливи знаци на  стабилизирање на очекувањата и довербата на економските субјекти а оцените за здравоста на економските фундаменти и понатаму се позитивни.

Прогнозите за раст на домашната економија и понатаму упатуваат 2% на БДП за првиот квартал, но сепак домашните неекономски фактори поврзани со политичките случувања во земјата дополнително ја зголемуваат неизвесноста околу остварувањата и оцените за економската активност во вториот квартал.

Во однос на инфлацијата, од НБРМ оценуваат дека просечната годишна промена на домашните потрошувачки цени во април се задржа во негативната зона, при пониски цени на храната и енергијата. Од друга страна, базичната инфлација и натаму умерено се зголемува. Вкупната инфлација засега се движи во рамки на проекциите, а ризиците околу проекцијата до крајот на годината и понатаму се поврзани со променливоста на очекувањата за промените на светските цени на енергијата и храната.