НЕ ИГРАЈТЕ КАКО ШТО ВИ СВИРАТ ТИЕ: Партијата на Орбан на билборд ги стави Фон дер Лајен и синот на Сорос

Објавено во: Свет 20 Ноември, 2023 14:49
Унгарската партија Фидес ја критикува претседателката на Европската Комисија (ЕК), Урсула фон дер Лајен.
Оваа партија денеска постави билборди во кои ја критикува Фон дер Лајен. Во текот на ноќта, на кампањските плакати за европските парламентарни избори во јуни следната година се гледа Фон дер Лајен заедно со Алекс Сорос, син на либералниот милијардер инвеститор со унгарско потекло Џорџ Сорос, долгогодишна цел на непријателство од партијата Фидес на премиерот Виктор Орбан.
Слоганот е: „Не играјте како што ви свират тие“. Орбан, чија влада се обидува да деблокира милијарди евра од фондовите на ЕУ суспендирани од Брисел поради политиката на Фидес, во саботата рече дека Унгарија „мора да каже не на сегашниот европски модел изграден во Брисел“.
Сорос е Евреин и некои критичари сметаат дека централната улога што тој ја игра во пропагандата на Фидес е доказ за антисемитизам, што Фидес категорично го отфрла. Слични билборди на кои е прикажан Јункер заедно со постариот Сорос (Џорџ Сорос) предизвикаа прекор од Брисел во 2019 година.
Орбан е против тоа Украина да почне преговори со Европската Унија (ЕУ). Тој цело време е против испраќање оружје во Украина.
фото: принтскрин
Можеби ќе ве интересира
ИМА САМО 15 ГОДИНИ: Момчето кое избоде ученици во Франција испратило писмо долго 20 страници

(ВИДЕО) СРЕДБАТА НЕ БЕШЕ НАЈИДЕАЛНА: Зеленски ја коментираше расправијата со Трамп во Овалната соба

ДАНСКИ АВАНТУРИСТ ПОСЕТИ 203 ДРЖАВИ: Подвигот го направи без да користи авион

ИДЕЈА НА РУСИЈА: БРИКС може да создаде алтернатива на Меѓународниот кривичен суд

ИМАЛО 300 ПОТРЕСИ ВО ИСТАНБУЛ: Турците ноќта ја поминаа во паркови, се очекува силен земјотрес

ВЛАСТА ПАЛЕШЕ ЗАПЛЕНЕТ КАНАБИС, А 25 ИЛЈАДИ ТУРЦИ НЕСАКАЈЌИ СЕ „НАПУШИЈА“ - вртоглавици и халуцинации кај жителите на Дијарбекир
ШТО МУ ДОНЕСОА СТОТЕ ДЕНА МИНАТИ ВО БЕЛАТА КУЌА НА ТРАМП? Стана најнепопуларен американски претседател
