НЕ ПЛАЌААТ ДАНОК: Државните фирми најголеми должници на „државата“
Објавено во: Економија 11 Јуни, 2016
Македонскиот радиодифузен сервис, Македонски шуми и Македонија пат се трите државни фирми кои избегнуваат плаќање на данок.
Овие државни компании должат повеќе од 12 милиони евра за неплатени даноци а само МРТВ должи околу 1,1 милион евра.
Македонија пат за неплатен данок должи 7 милиони евра, а Македонски шуми околу 4,1 милиони евра.
Управата за јавни приходи досега многупати ги предупредува фирмите и компаниите навремено да ги расчистат долговите, а неодамна објави дека присилно ќе почне да наплаќа на оние граѓани кои немаат платено радиодифузна такса.
На Управата за јавни приходи и должат над 4.000 фирми, јавни претпријатија и физички лица.
Тие се објавени на веб страната на најновата листа на УЈП. Се работи за долгови доспеани до крајот на февруари годинава и неплатени до крајот на мај по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини. Вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.
Истите субјекти веќе подолг временски период се должници на државата.