НЕ ЗАБОРАВАЈТЕ: Деновиве почнува летното сметање на времето
Објавено во: Македонија 20 Март, 2018
Во последниот викенд во март 2018-та година, ноќта во 2 часот меѓу 24 и 25-ти март почнува летното сметање на времето.
Стрелките на часовникот треба да се поместат за еден час нанапред, односно времето во 2 часот, ќе се смета како да е 3 часот. До крајот на март денот ќе се зголеми и ќе се стемнува околу 18 часот, а со поместувањето на стрелките, ден ќе имаме до 19 часот, а на почетокот на летото и до 20 часот.
Преминувањето на времето од зимско кон летно и обратно првпат почнало во 1916- та година во државите на северот во Европа, а денес тоа е практика во 70 земји од Светот.
Европските земји веќе се подготвуваат за конечно укинување на оваа практика.
Многу луѓе мислат дека ова првично било направено за на американските земјоделци да им се овозможи повеќе дневна светлина за време на жетвата, но тоа не е точно. Поврзано е со војната, поточно Првата светска војна.За да се заштеди енергија за време на војната, претседателот Вудро Вилсон предложил да се врати часовникот еден час наназад во есен, притоа давајќи им на луѓето дополнителен час дневна светлина кога нема потреба да користат електрична светлина. Всушност, ова воопшто не била американска идеја: еден научник од Нов Зеланд ја предложил идејата уште во 1895 година, а Америка не била првата земја што го презела овој чекор за време на Првата светска војна; Германската Империја започнала да ги поставува своите часовници еден час подоцна за да заштеди вештачко осветлување во 1916 година, две години пред Америка да ја усвои оваа практика.