Не знаат за сообраќајни гужви и несреќи, не се гушат во бензин: Земја во која здравјето е на 1 место!
Објавено во: Стил 12 Март, 2019
Живот без велосипеди во Холандија е незамислив. Во земја со 17 милиони жители, се наоѓаат 23 милиони велосипеди и на секое семејство во просек доаѓаат три велосипеди.
Холанѓаните, велосипедите најмногу ги користат како превоз до работа или за превоз на децата во школо и го користат како превозно средство без разлика на временските услови. Според истражувањата, велосипедот во оваа земја во 22% се користи за работа, 18% за одење во школо и 14% за одење на пазарување.
Кога се работи за користење на велосипедот по полови, Холанѓанките за 80% повеќе го користат велосипедот од мажите во таа земја.
Велосипедот во оваа земја е популарен поради фактот дека е корисен за здравјето, поради избегнување на големите гужви во сообраќајот, но и поради економичност.
Во Холандија секоја година се продаваат милион велосипеди, населението во голема мерка е заинтересирано за половни, така што повеќето од популацијата возат половни велосипеди.
Масовното поставување на велосипедски патеки во Холандија почнало по протестите во 1970-тите години кога се одржани поради зголемениот број на сообраќајни незгоди во таа земја.
Во Холандија денеска се наоѓаат вкупно 35 000 километри велосипедски патеки, што е многу близу до обемот на Земјата по екваторот (40 077 км). Годишниот поминат пат со велосипед во оваа земја по глава на жител изнесува 888 километри.
Освен домашното население, велосипедот е многу популарен како превозно средство и кај туристите, па така и големиот број туристи кои изнајмуваат велосипед при посета на знаменитости.