Неколку совети како да ја развлечете платата на месец дена

Добивај вести на Viber

Парите ви се извлекуваат од рака како ситен песок, имате чувство дека никогаш немате доволно пари, а платата ви трае само десетина дена? Секој од вас има навики на кои непотребно ги троши парите. Секогаш носете список со вас и избегнувајте да купувате кога сте тажни, весели или импулсивни. Избегнувајте да трошите на некои работи повеќе отколку што морате. Секогаш постои алтернативно решение. Доцнење со сметките: Навикнете се на плаќање на сметките навреме и ќе заштедите повеќе отколку што мислите. Нездрави навики: Пушењето чини многу повеќе од парите кои ги издвојувате за една кутија цигари. Таа нездравва навика драстично ги зголемува трошоците за живот и здравствено осигурување. Маркирани производи: Од продукти и облека па се до лекови, голем број луѓе купуваат одредени производи исклучиво поради името. Но, производите ако не се со толку развиен бренд, не мора да значи дека имаат лош квалитет. Купување пијалоци: Ако имате навика да купувате шише вода, сок, кафе во лименка и кафе за носење, фрлате неверојатна сума на пари. Пијалоците за на работа или кога сте на прошетка земете ги од дома, а соковите заменете ги со вода. Патувања: Ако сте спремни да бидете флексибилни ќе заштедите многу пари на патувањата. Пред да го испланирате патувањето, имајте во предвид дека пред или после сезоната понудите се најефтини. Last-minute резервациите можат да ви заштедат многу пари. Струја: Иако сте го изгаснале телевизорот, радиото, климата и компјутерот, вашите апарати и понатаму трошат струја се додека се во штеќерот. Од вкупната енергија која домашните апарати ја трошат, 10 до 35% ја трошат додека се исклучени.