Добивај вести на Viber
Чешкото градежништво годинава доживува рекорден број на банкроти и во овој сектор во последно време фирмите најчесто пропаѓаат, покажува анализата на компанијата ,,Чех Кредит Биро" (ЧЦБ).
Според податоците, во првите шест месеци на 2012 година во тој сектор биле прогласени 130 банкроти, што е за 67 проценти повеќе од истиот период претходната година. До крајот на годината се очекуваат уште полоши резултати.
Претходно, рекордот на банкротирани фирми беше забележан во 2000 година кога 193 компании беа затворени и прекинаа да работат во градежниот сектор.
Зад долговремената криза на чешкото градежништво според истражувањето на ЧЦБ стои главно намалувањето на јавните инвестиции, на кои градежниците се зависни во најголема мерка. Другата причина е штедењето на чешките домаќинствата со што нема побарувачка за изградба на станбени објекти.