Нема повеќе да има злоупотреби на нормираниот учинок, Уставниот суд го укина
Објавено во: Економија 09 Мај, 2018
Нормираниот учинок повеќе нема да биде услов за исплата на минималната плата. Сојузот на синдикати на Македонија информира дека Уставниот суд ги укинал членовите од законот во делот за нормираниот учинок. Со ова, според ССМ, ќе се овозможи правна сигурност во примената на Законот за минимална плата и исплатата на минималната плата за сите работници во државата.
„Уставниот суд на Република Македонија по повод иницијативата на Сојузот на синдикатите на Македонија на седница одржана на 18 април 2018 год со Одлука У. Бр. 133/2017-1 ги укина член 2 став 1 во делот: „и исполнет нормиран учинок“ и ставовите 2, 3 и 4 и член 7-б ставови 1 и 3 од Законот за минимална плата во Република Македонија („Службен весник на Република Македонија“ бр.11/2012, 30/2014, 180/2014, 81/2015, 129/2015 и 132/2017)“, се вели во денешното соопштение од ССМ.
ССМ поведе постапка за оценка на уставноста на одредбите од Законот за минимална плата во кој е наведено дека работодавачот е должен да му исплати на работникот најнизок месечен износ на основна плата која според законските одредби не зависи само од извршената работа во полно работно време, туку и од исполнетиот нормиран учинок, кој го утврдува работодавачот. Несогласување со тоа минималната плата да биде условена од нормираниот учинок, ССМ искажуваше и во текот на постапката за донесување на измените на Законот за минимална плата. Освен на седница на Економско-социјалниот совет, ССМ своето несогласување го изрази и со писмен допис до МТСП и Министерството за финансии.
Можеби ќе ве интересира
Советничката Милица Арнаудова - Стојановска: Мерките на Народната банка го поттикнуваат „зеленото“ кредитирање
ВАЛУТИ: Вредноста на доларот ослабе, а еврото зајакна
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
ВАЖНО: Граѓани, проверете ја вашата даночна пријава за 2023 година
АЗЕСКИ СЕ СРЕТНА СО МАЈК ЗАФИРОВСКИ: Потребно е запирање на сивата економија
