Нема проблеми на граничните премини за „викендашите“
Објавено во: Македонија 06 Април, 2018
За излез од земјава на јужната граница кон Грција кај преминот Богородиа, засега нема никаков застој или „трупање“ на колони на возила како што вообичаено се случува за време на продолжени празнични викенди.
– Од шесте расположливи сообраќајни ленти за излез од земјава функционираат три, но сообраќајот е речиси секојдневен и задржувањето на возилата кои се главно од Македонија е само пет минути колку што се потребни за контрола на документите, изјави заменик-командирот на граничната полиција, Мирјана Костадинова.
Поголема фреквенција на возила не се бележи ниту за влез во земјава. Зголемување на интензитетот на сообраќајот може да се очекува во понеделник попладне кога оние кои заминале за Грција ќе се враќаат дома.