Нема сознанија за специјална војна против Хрватска, вели Пленковиќ
Објавено во: Балкан 25 Септември, 2025 18:31
Премиерот на Хрватска, Андреј Пленковиќ, денеска изјави дека нема никакви сознанија дека африканската свинска чума е резултат на специјална војна против Хрватска.
Министерот за земјоделство на Хрватска, Давид Влајчиќ, во вторникот пред новинарите во Осјек изјави дека не може да ја исклучи тезата дека против Хрватска се води „специјална војна“ со африканската свинска чума.
Тој рече дека во Хрватска таа болест била ставена под контрола од 2023 година, а дека „жаришта на заразата оваа година се создадоа во Србија каде што болеста брзо се ширеше, а потоа кај нас се појавуваат точкасти жаришта“.
- Сами заклучете. Ништо не сакам да исклучам, рече Влајчиќ.
Пленковиќ денеска на новинарско прашање за тврдењата на коалициските партнери во Владата од десничарското Татковинско движење, одговори дека „немаме никакви сознанија ниту докази дека се работи за каква било специјална војна“, пренесе хрватската телевизија Н1.
По отворањето на новата делница од тунелот Учка, Пленковиќ во изјава за новинарите потсети дека Хрватска и пред две години се соочувала со проблемот на африканската свинска чума.
- Ќе имаме координациски состанок на сите ресори за да помогнеме на напорите на Министерството (за земјоделство), на луѓето на теренот, за да го ограничиме и сузбиеме ширењето на болеста, нагласи Пленковиќ, кој е и претседател на владејачката Хрватска демократска заедница.
Тој рече дека појавата на африканската свинска чума не претставува загрозување на националната безбедност.
Хрватскиот премиер нагласи дека поради појавата на африканската свинска чума не треба да се поведува некаква истрага за „специјална војна“, бидејќи тогаш истрагата можела да биде иницирана и пред две години кога ја имало таа болест.
Пленковиќ укажа дека вирусот постои и во соседните земји и заклучи дека на сите фарми треба да се подигне нивото на био-безбедност.
Фото: Пленковиќ, Фејсбук* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Отсечена главата на шестметарскиот споменик на Тито во Велење
„БАЈРОН“ ПРЕДИЗВИКА СЕРИОЗНИ ПРОБЛЕМИ И ПОПЛАВИ ВО АТИНА - училиштата затворени
ОГРОМНА ГУЖВА, СЕ ЧЕКА И ДО 12 ЧАСА: EES направи хаос на границите со Унгарија и Хрватска
Американски конгресмени бараат од Трамп да го стабилизира Балканот, имаат сериозни забелешки за Србија
ЕВЗОНИ ПОВТОРНО БЛОКИРАН - земјоделците од Грција продолжуваат со протестите
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
„Не добивме позитивна одлука за НИС“: Вучиќ објави дека рафинеријата во Панчево ќе запре со работа
ЕВЗОНИ ПОД БЛОКАДА: Нема ни влез ни излез од Грција
Софија во хаос по најмасовниот протест во последната деценија, најмногу настрадаа партиските канцеларии
