Добивај вести на Viber
Преголемата понуда на нафта од страна на земјите кои не се членки на Организацијата на земјите извознички на нафта (ОПЕК) е причина за големиот пад на цената на нафтата изминатиот период.
Тоа, пред се, се должи на „недостигот на соработка“ од страна на овие држави, смета саудискиот министер за нафта Али ал Нејман чија земја е најголем производител на нафта во ОПЕК.
„Една од основните причини за падот на цената е неодговорното производство на некои држави надвор од Организацијата“, смета министерот за енергетика на Обединетите Арапски емирати Сухаил ал Мазрви.
Големата понуда на нафта на пазарот ја стопи цената на овој енергенс за речиси 50 отсто, а на намалувањето на вредноста на срното злато влијание имаа и зголемувањето на вредноста на доларот и слабата побарувачка поради успорувањето на светската економија.
И покрај ваквите случувања на пазарот за енергенси кон крајот на месец ноември ОПЕК одлучи да ги остави непроменети производствените квоти од 30 милиони барели нафта на ден.