НЕУСПЕШНА АКЦИЈА: Американскиот заложник во Јемен сепак е мртов

Добивај вести на Viber

Фоторепортерот Лук Сомерс е убиен во неуспешниот обид за негово ослободување од заложништво на Ал-Каеда во Јемен. Акцијата спроведена координиранои меѓу американските и јеменските специјални служби сепак не завршила со посакуваниот исход. Припадниците на терористичката организација сепак го убиле Сомерс и уште еден заложник, учителот Пјер Корки. Во акцијата за спасување биле убиени десетмина терористи. За Корки биле во тек преговори за ослободување и тој требало да биде пуштен на слобода утре. Но, американските безбедносни служби изјавија дека постоеле уверливи докази дека животот на Сомерс е сериозно загрозен и затоа било неопходно да се покрене спасувачка акција. Сомерс бил извлечен од местото каде што го држеле, но подоцна им подлегнал на повредите. Затоа во медиумите најпрвин се појавија контрадикторни информации за тоа дали акцијата за негово спасување била успешна. Убиството на заложниците го осуди и американскиот претседател Барак Обама, кој ова го нарече „варварски чин“ на Ал-Каеда во Јемен. Тој најави дека САД нема да се штеди во напорите да ги заштити американските државјани во странство.