Неверојатен експеримент: Јапонија отвора 600.000 нови работни места

Добивај вести на Viber

Конзервативниот јапонски премиер Шинзо Абе го претстави владиниот план за стимулирање на економијата вреден 175 милијарди евра, а кој треба да овозможи отворање на околу 600.000 нови работни места и економски раст од 2%. Јапонската економија е погодена со пад на извозот и намалување на глобалната побарувачка, но и со потфрлање на домашната потрошувачка. „Неопходно е да се зајакне индустриската конкурентност и да се зголеми бројот на вработени“, изјави Абе на конференцијата за новинари. Планот на Абе предвидува околу 90 милијарди евра да се потрошат за јавни работи и миграциски програми, на субвенции за компании кои вложуваат во нови технологии и на финасиска помош за малите фирми. Околу 35 милијарди евра државата ќе ги вложи во обнова на деловите во државата кои се погодени од земјотреси, цунами и нуклеарната катастрофа во 2011 година. Јапонскиот премиер нагласува дека ова е најголемо државно трошење во јапонската историја. Ако планот успее ќе се отворат околу 600.000 работни места за период 2013 – 2014 година.