Добивај вести на Viber
Стапката на невработеност во еврозоната е на рекордно високо ниво бидејќи поради должничката криза, економијата паѓа во рецесија , а компаниите отпуштаат работници.
Во 17-те држави кои ја делат заедничката валута, невработеноста во август изнесувала 11,4%, исто како и во јуни и јули, објавува Бирото за статистика на Европската унија поревидирањето на податоците за овој период. Ова е највисока стапка на невработеност во еврозоната од 1995-та, кога почнаа да се објавуваат овие статистички податоци, јавува Блумберг.
Европските компании ги одложуваат одлуките за нови вработувања поради страв од рецесијате, новите мерки за штедење и падот на глобалната побарувачка. Поради лошите прогнози и големите компании како што се Дојче Банк, Пежо, Цитроен и Ер Франсе-КЛМ, најавуваат отпуштања на илјадници вработени.