НИЕ ЈА ДОБИВМЕ НАШАТА БИТКА, НО СИНИША НЕ - селекторот на Хрватска едвај одговори на прашањето за Михајловиќ
Објавено во: Спорт 18 Декември, 2022 07:36
Хрватската фудбалска репрезентација го освои третото место на Светското првенство во Катар. Избраниците на Златко Далиќ ја освоија бронзата откако го совладаа Мароко со 2:1. Така, пламените го завршуваат натпреварувањето со само еден пораз, тој од Аргентина во полуфиналето. Ова е втора светска бронза за Хрватска во историјата.
По натпреварот, на прес-конференцијата за смртта на Синиша Михајловиќ зборуваше и тренерот Златко Далиќ.
-Искрено сочувство до семејството Михајловиќ. Го познавав многу одамна. Жал ми е што ја загуби битката. Ние ја добивме нашата битка денес, но тој не. И тоа е тажно. Тешко. Ова е нешто друго. Беше одличен фудбалер, врвен тренер. Тоа е голема загуба, а кога си заминуваат младите тоа е трагедија за нас.
Хрватска направи голем успех на 22. Светско првенство со тоа што во борбата за третото место беше подобра од Мароко, а селекторот Златко Далиќ по мечот излезе пред новинарите со насмевка на лицето.
- Би сакал да му честитам на Мароко за навистина одличен натпревар. И тие беа уморни, повредени, ги жалам, знам како се чувствуваат. Мора да се гордеат, ме потсетија на нас од пред четири години. Да се биде повторно на врвот е навистина фантастично за една толку мала земја како Хрватска. Им честитам на моите момчиња - започна Далиќ.
Дали е ова крајот на една репрезентација?
- Сигурно ова е последно првенство за некои од нас кои се на ова светско првенство. И поради возраста и поради други детали. Да ги немаа постарите играчи со себе, овие помладите немаше да можат сами да го направат тоа. Хрватска не треба да се грижи. Дали е ова крајот на една генерација? Не мислам така. Ни останува уште Лигата на нации, па Европското првенство. Имаме четворица играчи кои почнуваат од нашата лига и имаме квалитет да продолжиме понатаму.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
