„НИЕ СМЕ КОЛАТЕРАЛНА ШТЕТА“: Вучиќ кажа дека од 1 октомври почнуваат американските санкции за нафтената НИС
Објавено во: Балкан 25 Септември, 2025 21:19
Претседателот на Србија, Александар Вучиќ, изјави во Њујорк дека на 1 октомври ќе стапат во сила американските санкции против српската нафтена индустрија, бидејќи САД се согласија да го продолжат нивното невоведување само за четири дена, пренесе Н1.
„Не се добри вести, но се очекувани. Ние сме колатерална штета на односот меѓу Американците и Русите, Западот и Русите и ќе платиме висока цена. Бевме исклучително фер и кон нашите руски и американски партнери, но ќе платиме исклучително висока цена“, изјави Вучиќ за медиумите од Србија.
Вучиќ, кој е во Њујорк по повод заседанието на Генералното собрание на ОН, рече дека „тешко време и тешка зима“ ја очекуваат Србија и дека ќе „направи сѐ што може“ граѓаните да имаат „топла зима во своите домови“ и да не се грижат за снабдувањето со автомобили, и дека „сè друго ќе биде многу потешко“.
Убеден сум дека Русите ќе кажат дека имаат резерви за еден или два месеца, но бидејќи финансиските трансакции се забранети, бидејќи ниедна банка нема да сака да работи, тогаш ќе има проблем со исплатата на платите и сè друго. Но, да видиме, да почекаме, можеби ќе се случи чудо до 1 октомври“, рече тој.
Тој додаде дека поради претстојното воведување на американските санкции врз компанијата НИС, „апсолутно сè станува покомплицирано и создава политички, економски и други проблеми за Србија“.
„Што и да ни предложат, руската страна не сака да прифати. Што и да им предложат на Американците да не воведуваат санкции, тие ги воведуваат. А ние сме мали. Нема многу смисла да им се закануваме на Американците и на Русите. И јас морам да им обезбедам на луѓето доволно нафта, и ги повикувам сите да ми помогнат како да го направам тоа. Ќе се бориме, ќе разговараме и ќе бараме излез од многу непријатна и тешка ситуација“, рече Вучиќ.
Минатата недела, српската нафтена индустрија поднесе ново барање до Министерството за финансии на САД за издавање посебна лиценца што ја одложува примената на санкциите и овозможува оперативните активности на компанијата да продолжат непречено по 26 септември, кога е важечка претходната лиценца. САД досега шест пати го одложија стапувањето во сила на санкциите против НИС, кои беа воведени поради мнозинско руско сопствеништво.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Отсечена главата на шестметарскиот споменик на Тито во Велење
„БАЈРОН“ ПРЕДИЗВИКА СЕРИОЗНИ ПРОБЛЕМИ И ПОПЛАВИ ВО АТИНА - училиштата затворени
ОГРОМНА ГУЖВА, СЕ ЧЕКА И ДО 12 ЧАСА: EES направи хаос на границите со Унгарија и Хрватска
Американски конгресмени бараат од Трамп да го стабилизира Балканот, имаат сериозни забелешки за Србија
ЕВЗОНИ ПОВТОРНО БЛОКИРАН - земјоделците од Грција продолжуваат со протестите
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
„Не добивме позитивна одлука за НИС“: Вучиќ објави дека рафинеријата во Панчево ќе запре со работа
ЕВЗОНИ ПОД БЛОКАДА: Нема ни влез ни излез од Грција
Софија во хаос по најмасовниот протест во последната деценија, најмногу настрадаа партиските канцеларии
