НИКОЈ НЕ Е НАД ЗАКОНОТ: Принцови се апсат во Саудиска Арабија
Објавено во: Свет 07 Јануари, 2018
Властите во Саудиска Арабија задржале 11 принцови, кои протестираа пред кралскиот дворец во главниот град Ријад против повисоки сметки за домаќинство.
Саудиските власти неодамна донесоа реформи, вклучувајќи намалување на погодности воведување на ДДВ и намалување на привилегиите на аристократијата. Целта на реформите е земјата да се справи со последиците од падот на цените на нафтата на светските пазари, кои доведоа до буџетски дефицит во висина од 195 милиони долари.
Според локалните медиуми принцовите се собрале пред кралскиот дворец, барајќи укинување на кралскиот декрет кој ќе ја запре исплатата на сметките за вода и струја на членовите на кралското семејство.
"Им било кажано дека се во грешка со нивните барања, но одбиле да заминат. Потоа кралските стражи се замешале и ги притвориле во затвор "Ал Хаиер". Ги очекува судски процес", пишуваат локалните медиуми. "Сите се еднакви пред законот и кој не ги применува прописите и упатствата ќе одговара, без разлика кој е", коментираат медиуми.