Никој нема 5.000 евра за посигурни лифтови
Објавено во: Економија 28 Мај, 2018
Компаниите не можат да ги исполнат условите од Правилникот за лифтови кои предвидуваат вградување дополнителни уреди вредни најмалку 5.000 евра и технички речиси неизводливи.
Како што беше речено денеска на прес-конференција во Стопанската комора, условите што ги наметнува Правилникот важат и за помодерните, релативно нови лифтови, од 2008, 2009, 2010 година, зашто и дел од нив ги немаат бараните уреди. Вака дефинираната регулатива, иако базирана на европските стандарди, не се почитува во целост и во голем број земји-членки на ЕУ.
- Една ставка од членот 68 на Правилникот бара поставување уред за заштита од неконтролирани движења на кабината нагоре. Ако оваа обврска се примени, ќе значи голема инвестиција или трошок од минимум 5.000 евра што ќе го сносат станарите. Ако, пак, се изземе од Правилникот и не се примени, нема да дојде до нарушување на функционалноста и безбедноста на лифтовите, истакна Даниела Михајловска Василевска од Комората.
Според претседателот на Групацијата за лифтови Димче Поповски, Правилникот треба да се одложи зашто нема услови за негова примена, а детектирани се и многу пропусти, како и слабости во повеќе сегменти, вклучувајќи го и сервисирањето.
- До 2019 година сите лифтови треба да се адаптирани на Правилникот, но тоа е едноставно невозможно. Се работи за дополнителни инвестиции од најмалку 5.000 до 10.000 евра без кои секако функционалноста и безбедноста на лифтовите нема да се наруши, напомена Поповски.
Групацијата за лифтови од 2009 година бара и лиценцирање на компаниите за лифтови, но досега, како што информира Поповски, нема никаков исход.
Правилникот, пак, за лифтови е донесен на 24 февруари 2009 година. Две години, од 2016 до 2018 година примената на членот 68 беше одложена, но во овој период проблемот не се надмина.
Во Македонија со оваа дејност се занимаваат околу 20 компании.
Можеби ќе ве интересира
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
