НИКОЛА ДИМИТРОВ, МИЛА ЦАРОВСКА И РАДМИЛА ШЕКЕРИНСКА ПОДНЕЛЕ БАРАЊЕ ЗА АПАНАЖА - одобрена им е и на Хоџа и на Сулејмани
Објавено во: Македонија 21 Јануари, 2022
Досега има три барања за апанажа, потврдуваат од Кабинетот на претседателот на Собранието Талат Џафери за новинарите.
Според информациите од кабинетот, поднесени се три барања за апанажа, и тоа од поранешниот вицепремиер за интеграции и поранешен министер за надворешни работи, Никола Димитров, потоа од поранешната министерка за образование, а претходно за труд и социјала мила Царовска, како и од поранешната министерка за одбрана Радмила Шекеринска Јанковска.
Од Собранието додаваат дека на Комисија веќе претходната недела поминале барањето за апанажа на поранешниот министер за земјоделство Аријанит Хоџа, во траење од девет месеци, како и на Седат Сулејмани, поранешен заменик министер за култура, исто во траење од девет месеци.
Н.Н.Ф.