НИКОЛА САКА ДА БИДЕ ФУДБАЛЕР И Е ХЕРОЈ: Тој е првото дете што донираше коскена срцевина и ја спаси сестрата Ана Марија
Објавено во: Македонија 22 Октомври, 2021
Ана Марија и нејзиниот мал брат Никола се деца за восхит, напиша денеска министерот за здравство Венко Филипче. Тие и навистина се херои затоа што Никола донирал коскена срцевина со што и го спасил животот на својата сестричка. Приказната буди емоции. Филипче соопштува дека ова деветгодишно весело момче што сака да биде фудбалер, е првиот донор на матични клетки во нашата земја.
„На Ана Марија и беше извршена трансплантација на коскена срцевина и таа ја победи опасната болест. Ова прекрасно семејство го запознав на Клиниката за хематологија, си заминаа од болница по долгиот третман кој го водеше стручниот лекарски тим на Клиниката. На моите колеги им честитам за уште еден успех и триумф над опасната болест. На Ана Марија и Никола им посакувам безброј среќни моменти и многу здравје, напиша министерот.