27 Мај, 2024
0.0253

Николина Таневска, извршен директор на СН Осигурителен Брокер: Жените со знаење и моќ ги рушат предрасудите во бизнис сферата

Објавено во: Економија 08 Март, 2022

Добивај вести на Viber

Важно е да се поткрене свеста за улогата на жената, а посебно да се истакне дека нејзиниот труд треба да биде подеднакво вреднуван и ценет, како и на мажите, вели Николина Таневска, извршен директор на СН Осигурителен брокер АД Битола, додавајќи дека во компанијата околу 70 отсто од вработените се жени со што се потврдува дека не се прави разлика меѓу машкиот и женскиот труд, туку дека единственото што се цени е знаењето, компетентноста, посветеноста и резултатите кои се постигнуваат.

СН Осигурителен Брокер АД Битола е најголем брокер на пазарот на осигурувањето во државата по број на експозитури и вработени, меѓу кои голем број се жени. Какви се најновите показатели за деловните резултати?

Таневска: Изминатата година беше уште една успешна година за друштвото, со што го задржуваме континуитетот од седум успешни години во осигурителниот сектор во Македонија. Во изминатава година, работевме како секогаш - со многу посветеност, стручност и слух за потребите на нашите клиенти. Тоа се гледа и во финансиските резултати, односно СН осигурителен Брокер АД Битола ја заврши 2021 година со позитивен финансиски резултат од 59.314.946 денари. Друштвото во текот на 2021 година оствари блиску 800.000.000 бруто полсирана премија. Она што за нас е исклучително значајно и за што вложивме голем труд изминатите години е заземањето и одржувањето на  лидерската позиција на пазарот во однос на полисираната премија и бројот на склучени полиси и во текот на целата 2021 година.

Со гордост истакувам дека изминатата година ни помина во знак на успешно реализирање на корпоративната обрзницата. Со овој чекор, компанијата стана првиот правен субјект од нефинансиски сегмент на националната економија која издава долгорочни хартии од вредност-корпоративна обврзница.

Со истата посветеност на сите вработени продолжуваме да бидеме партнер во кој нашите клиенти можат безрезервно да веруваат.


Колку од вработените се жени и каков е нивниот удел во успесите на компанијата?

Таневска: Со оглед на тоа дека улогата на жените во бизнис сферта  станува сè поголема и позначајна СН Осигурителен Брокер АД Битола ја цени еднаквоста и ги препознава квалитетите и вредностите на кадарот во деловната средина, независно од полот. Важно е да се поткрене свеста за улогата на жената, а посебно да се истакне дека нејзиниот труд треба да биде подеднакво вреднуван и ценет, како и на мажите, кога станува збор за деловната сфера. Во СН Осигурителен Брокер АД Битола околу 70 отсто од вработените се токму жени со што се потврдува дека тука не се прави разлика меѓу машки и женски труд, туку дека единственото што се цени е знаењето, компетентноста, посветеноста и резултатите кои се постигнуваат, дека еднаквоста на вработените е независна од полот и е дел од деловната култура на компанијата. Полот во нашата компанија никогаш не е мерило за работењето и ангажирањето. Се чувствувам рамноправно, и таквото чувство произлегува од изградениот професионален интегритет, јасно поставените лични принципи и сочуваната слобода да се избира и да се одлучува.

Менаџерската позиција, особено во еден динамичен сектор како што е осигурувањето има и свои специфики. Kои вредности го дефинираат вашиот однос кон работата?

Таневска: Професионалност, посветеност, одговорност и одлучност. Одговорноста ја поврзувам за својата функција и сериозноста со која ѝ пристапувам. На отвореноста мислам на  тимот со кој работам. Иако сум на извршна  позиција, сепак во својата работа редовно се потпирам на тимот што го имам и со којшто работам. Горда сум што имам одличен тим на вработени и соработници со кои заедно градиме успеси. Покрај тимската работа, како многу значајни вредности би ги издвоила и иницијативноста и храброста да се донесат одлуки што ќе се покажат правилни и корисни.


Вие сте дел од СН Осигурителен брокер од самите почетоци на друштвото пред седум години. Кои се основите за таа лојалност?

Таневска: Долгогодишното искуство во една област, следењето и влијанието на развојот на компанијата во сите нејзини фази, од почетното воспоставување во исклучително регулирана дејност, до поставувањето во соодветна организација и избор и развој на кадри, можноста за стратешки поглед, иницијативата во предлагањето решенија на повисоко ниво на одлучување, функционалноста, ефикасноста и ефективноста, воспоставувањето здрави и долгорочно одржливи врски во рамките на тимот се дел од причините  што сум дел од  топ менаџменот на СН Осигурителен Брокер.

Кои се според вас најголемите предности за една компанија да има што повеќе жени во својот топ менаџмент?

Таневска: Ние како компанија и понатаму ќе се залагаме за урамнотежен менаџмент. Ќе продолжиме да ја негуваме деловната стратегија во која не се прави разлика меѓу машки и женски труд, туку единствено луѓето се вреднуваат според знаењето, компетентноста, посветеноста и резултатите.

Со оглед на тоа што 70 отсто од вработените во СН Осигурителен брокер се жени, а компанијата од година во година бележи се подобри деловни резултати, јасно е дека учеството на жените е мошне значајно. Тие се добри организатори, посветени, високо едуцирани и насочени кон постојан напредок и развој.

Со оглед на тоа што жените, секојдневно се борат со стереотипи поставени од општеството и рушат предрасуди во бизнис сферата со своето знаење и моќ, заслужуваат да бидат ценети за секој нивни труд. Ние тоа многу добро го знаеме и го практикуваме, не само на 8 март, туку секој ден во годината.


Можеби ќе ве интересира

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ЕУ КАЗНИ АМЕРИКАНСКИ ГИГАНТ СО РЕКОРДНИ 337,5 МИЛИОНИ ЕВРА - вештачки ги држел високи цените на популарната чоколада на штета на потрошувачите

ЕУ КАЗНИ АМЕРИКАНСКИ ГИГАНТ СО РЕКОРДНИ 337,5 МИЛИОНИ ЕВРА - вештачки ги држел високи цените на популарната чоколада на штета на потрошувачите

РАБОТНИЦИТЕ НА ОВАА ГЕРМАНСКА ФИРМА ДОБИВААТ ГОЛЕМ БОНУС - компанијата им дава над 40 илјади евра

РАБОТНИЦИТЕ НА ОВАА ГЕРМАНСКА ФИРМА ДОБИВААТ ГОЛЕМ БОНУС - компанијата им дава над 40 илјади евра