Добивај вести на Viber
Вицепремиерот за борба со корупцијата, Љупчо Николовски на Фејсбук информира дека на денешната владина седница ги усвоиле предлог измените на Законот за заштита на население од заразни болести, со кои инспекциските служби добиваат нови поголеми овластувања за справување со прекршителите на КОВИД протоколите.
Законските измени се однесуваат на Државниот пазарен инспекторат, Државниот инспекторат за труд, Државниот испекторат за транспорт и за другите инспекторати на централно и локално ниво.
„Според измените, доколку инспекторите утврдат прекршување на здравствените протоколи, ќе имаат овластување на лице место да изречат привремена забрана за вршење на дејноста во траење до 30 дена на правните субјекти. Истовремено, со новите законски измени ќе се зголемат паричните казни за прекршителите на здравствените протколи. Висината на казните ќе биде во зависност од големината на фирмите. Заштита на здравјето на граѓаните е наш врвен приоритет. Мора да се почитуваат принципите и редот. Мораме да имаме нулта толеренација за прекршителите на здравствените КОВИД протоколи“, пишува Николовски.
Деновиве беа казнети кафулиња каде имало забави и не се почитувале мерките.