Ниту небото не е лимит за нив! Во која државна фирма просечната плата изнесува 2.500 евра?
Објавено во: Економија 29 Ноември, 2023 13:27
М-НАВ останува да биде државна компанија, природен монопол, со европски плати. За минатата година од вкупните приходи кои изнесувале 21,12 милиони евра на плати се потрошени 15,8 милиони евра. Тоа се такси за прелети на авиони во македонскиот воздушен простор со кој управуваат и диспечираат стручните лица од М-НАВ. Заради сложеноста на работата и стресот нивните плати се под европска директива. Тоа за македонски стандард значи недостижни 4.300 евра бруто плата месечно и додатоци односно просечни 2.500 евра нето месечно без додатоци
М-НАВ го контролира македонското небо, а европските директиви ги регулираат платите на нивните вработени. Нивните 305 вработени токму заради ова можат комотно да го носат епитетот гастарбајтери дома! Затоа што просечната месечна нето исплатена плата надминува 2.500 евра кога на неа ќе се додадат таканаречените други лични примања на вработените.
Тоа се податоци кои се јавно достапни и ги има во ревизорскиот финансиски извештај на М-НАВ достапен во регистарот на акционерски друштва на сегментот Слободен пазар на Македонската берза на следниот линк https://mse.mk/Objavi/Repository/Announcement166/%D0%9C-%D0%9D%D0%90%D0%92%20%D0%90%D0%94%20%D0%A1%D0%BA%D0%BE%D0%BF%D1%98%D0%B5%20-%201.%20M-NAV_FS_2022_EUR_Final_mk20231031145203.pdf
Оваа компанија лани приходувала 21,13 милиони евра што е за 53 отсто повеќе од претходната година кога заради пост корона периодот прелетите беа помали од вообичаеното. Лани авиосообраќајот веќе се врати во нормала, а тоа веднаш се одрази и на приходите на вработените во оваа државна фирма.
Во структурата на приходи таксите од прелети изнесуваат 18,67 милиони евра, терминалните услуги учествуваат со 2,3 милиони евра.
На троковната страна доминираат платите. На нето плати друштвото лани потрошило 9,2 милиони евра. Кај државата завршиле 5,4 милиони евра од придонеси и даноци. Вработените од М-НАВ наплатиле и 1,16 милиони евра за други лични примања. Значи сума сумарум за вработените друштвото платило лани 15,8 милиони евра.
Р.Ф.foto freepik.com/8photo
Можеби ќе ве интересира
Најголемиот германски производител на челик привремено го запира производството во две големи фабрики - 1.200 работни места во опасност
Централната банка на Русија го тужи Еуроклир: бара 194,8 милијарди евра отштета
Македонија најевтина во Европа според цените на храната
НОВИ БИЗНИС ИНВЕСТИЦИИ: Познато е кој ќе ги гради најголемите складишта за електрична енергија?
„Визер“ со нова линија од аеродромот во Скопје - од сега ќе се патува и за Прага
Мицкоски: Мерките на Владата даваат резултати, зголемени бројки на туристи и ноќевања во првите 10 месеци
Меѓународниот аеродром Скопје станува апослутен лидер во регионот по раст и по број на нови понудени места
КЛУЧ НА ДРЖАВНАТА КАСА ИЛИ МИЦКОСКИ ПРОГЛАСИ КАПИТУЛАЦИЈА НА ЕКОНОМИЈАТА! Чупеска за затворањето на трезорот на 15 декември
