НЛБ Банка ги зголеми каматните стапки за кредитните картички
Објавено во: Економија 19 Август, 2016 09:44
НЛБ Банка АД Скопје соопшти дека ги зголемува каматните стапки за кредитните картички Visa Classic, MasterCard® Standard и MasterCard® Light, како и каматната стапка за дозволено пречекорување на трансакциска сметка за физички лица. Тоа значи дека каматните стапки на кредитните картички пораснуваат од 11,25% на 12%, кои важат од 15.08.2016 година за сите нови и постојни клиенти.
Споредбено со Охридска Банка Сосиете Женерал Груп и Стопанска банка АД Скопје, НЛБ банка има највисоки каматни стапки на кредитните картички согласно последните измени кои ги направи Банката .
Кај Стопанска банка каматите на кредитните картички Visa Star, Visa Gold, кобрендирана Visa Vero, MasterCard Standard изнесува 11,25% односно 10,13% за приматели на плата кои се редовни во отплатата на долгот.
Охридска Банка Сосиете Женерал Груп пак има варијабилна каматната стапка која моментално изнесува 11,25% (стапка на вкупни трошоци од 11,85%). Каматната стапка во оваа банка е променлива во согласност со политиката за каматни стапки, но не е повисока од законски дозволената каматна стапка.
Можеби ќе ве интересира
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
ЕВЕ КОИ ЛИЦА ЌЕ БИДАТ ДЕЛ ОД УО НА ЦЕНТРАЛНА КООПЕРАТИВНА БАНКА - добиена е согласност од Народна банка
