НЛБ ЛИЗИНГ е повторно најдобра лизинг компанија според „Аквизишн интернешнел магазин“

Добивај вести на Viber

НЛБ Лизинг по вторпат го доби признанието најдобра лизинг компанија во Македонија од страна на „Аквизишн интернешнел магазин“. Првата македонска компанија за лизинг, на крајот на минатата година за првпат се закити со оваа престижна награда, кога од страна на „Аквизишн интернешнел магазин“ (Acquisition International Magazine) од Велика Британија беше прогласена за најдобра лизинг компанија за 2013 година на нашиот пазар. Традицијата продолжува, па и оваа година од страна на истото списание компанијата е прогласена за специјалист на годината во областа на лизингот за Македонија. „Ова е само потврда дека нашето работење е стабилно и дека нашиот професионализам е на највисоко можно ниво. Веруваме дека сите наши клиенти го чувствуваат тоа бидејќи нивната лојалност е најголема потврда за нашиот успех“, велат од НЛБ Лизинг. „Аквизишн интернешнел“ е месечен магазин публикуван од издавачката куќа „Ал глобал медија“ (AI Global Media Ltd), кој ги следи вестите од светот на финансиите, инвестициите, осигурувањето и брокерството. Компаниите што се вклучија во селекцијата беа категоризирани според дејноста, регионот и големината. Евалуацијата е направена врз основа на добиените гласови и исцрпното интерно истражување на магазинот. Интернационалната награда од областа на финансиите ги идентификува и наградува успехот, иновациите и професионалноста на компаниите, ценејќи го придонесот на секој член на тимот во развивањето на односите со клиентите, нивната стручност и способност во областа во која работат.