НОБЕЛОВЦИТЕ ТВРДАТ: Брегзит ќе и нанесе трајна штета на Британија
Објавено во: Економија 20 Јуни, 2016 15:25
Десетина добитници на Нобелова награда за економија денеска предупредија дека британското гласање за излез од ЕУ ќе и донесе голема неизвесност на Британија како трговска нација, нанесувајќи и трајна економска штета.
„Веруваме дека, економски гледано, на Британија и е подобро во составот на ЕУ“, напишале Нобеловците во писмото објавено во британскиот весник Гардијан.
„На британските компании и работници им е потребен целосен пристап до единствениот пазар. Брегзит би создал голема неизвесност во поглед на алтернативни трговски договори на Британија со остатокот од Европа, но и важни пазари, како што се САД, Канада и Кина“, се додава во писмото.
Меѓу потписниците на ова писмо се лауреати наградени за истражувања кои датират уште од 70-тите години на минатиот век, како што се Џирџ Акерлоф, Кенет Ероу, Ангус Дитон, Питер Дајмонд, Џејмс Хекман, Ерик Маскин, Џејмс Мирлес, Кристофер Писаридес, Робберт Солоу и Џон Тирол. Економските последици на Брегзит, според нивните оцени ќе потраат долги низа години.Британците во четвртокот ќе излезат на референдумот за членство на Британија во ЕУ, а најновите анкети на јавното мислење покажуваат дека резултатот ќе биде тесен, наведува АФП.
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
