НОВ ЦРН РЕКОРД ВО РУСИЈА: За еден ден починале 752 лица, најмногу од почетокот на пандемијата
Објавено во: Свет 10 Јули, 2021
Во изминатите 24 часа 752 лица починаа од корона вирусот во Русија, што е најмногу од почетокот на пандемијата, соопшти денеска оперативниот штаб за борба против болеста.
Претходно, најголемиот број смртни случаи беа регистрирани на 7 јули - тогаш починаа 737 лица, пренесува РИА Новости.
Потврдени се 25.082 нови случаи со КОВИД-19.
Од почетокот на пандемијата, во Русија се регистрирани 5.758.300 случаи на коронавирус, починале 142.253 лица, а 5.182.837 пациенти оздравеле.