Нов предизвик за операторите, АЕК ќе мери колку се квалитетни

Добивај вести на Viber

Започна мерењето на квалитетот на услугите што ги нудат операторите со новата мерна опрема на Агенцијата за електронски комуникации . Сите податоците за квалитетот на мрежата на операторот ќе бидат објавени на веб страницата на АЕК, посочуваат од Агенцијата. „Крајните корисници ќе имаат во секое време информација за квалитетот и перформансите за секоја од поединечните мрежи што ги нудат операторите. Преку нашата веб страница граѓаните ќе можат во секое време да видат какво е покривањето во секој град и по патиштата низ државата, така што ќе имаме целосна слика за нашите оператори“, изјави денеска директорот на АЕК Роберт Орданоски. Од АЕК посочуваат дека сите оператори се обврзани да ги постигнат минималните перформанси содржани во Правилникот на како што се достапноста на мрежата да биде поголема од 95,5 проценти, процентот на неуспешни повици на национално и интернационално ниво да не биде поголем од 0,5 проценти, бројот на прекинати, а воспоставени повици во периодот од 12 до 2 часот преку ден да не биде поголем од 2 проценти и брзината на пренос на податоци преку радиокомуникациската мрежа да биде поголем или еднаков од 1 МБ во секунда.