Нов прирачник за примена на даночните прописи во Македонија

Добивај вести на Viber

Прирачник за примена на даночните прописи во Република Македонија денеска промовираа Управата за јавни приходи и Службен весник на Република Македонија, кој е прв заднички проект на овие две институции.

Целта е на што е можно повисок степен на јасно и разбирливо изложување да ја презентираат материјата содржана во законите.

Според директорот на Управата за јавни приходи ова е современа алатка наменета за секој  кој е засегнат со даноците дали како  физичките лица, претпријатијата, правник... Очекува таа да стане еден од позначајните извори за запознавање и упатување во даночната проблематиката.

Трајанов потенцира дека ова е прв заеднички труд на двете институции и посочи дека во иднина ќе продолжат да ги следат потребите на граѓаните и да им излезат во пресрет со цел поквалитетно вклучувае и реализирање на обврските.

Публиката содржи збирка интегрални редакциски пречистени текстови на Законот за данок на добивка, Законот на данокот на додадена вредност и Законот за персоналниот данок на доход, вклучувајќи и водич за нивна правилна примена со објаснувања и практични примери. Наменет е за сите заинтересирани даночни обврзници, стручната јавност, консалтинг куќите и сметководствените бироа, кои имаат потреба од толкување за правилна примена на одредбите на дел од законите кои ја регулираат даночната материја.

Следен чекор е Публикацијата да се преведе, со цел да кориси и за странските инвеститори.

Трајанов на денешната прес-конференција информираше дека Службен весник почна да го реализира проектот за електронска база на прописи и оти веќе се поставени 100-тина редакциски пречистени текстови на закони.

Тој додаде дека Базата ќе продолжи да се надополнува и оти во текот на годинат аќе почне и реализацијата на втората фаза со поставување пречистени текстови на важечките закони со објаснувања и коментари од експерти, во зависност од тоа на која област од правото се однесуваат.