Нов раст на цените на нафтените деривати
Објавено во: Економија 23 Септември, 2019
Растат цените на нафтените деривати. И бензините и дизелот ќе се точат поскапо од ноќеска на полноќ па во следните седум дена.
Ова станува јасно од денешната одлука на регулаторната комисија.
Тоа значи дека бензините поскапуваат од 2 до 2,5 денари а за 1,5 денари поскапува и дизелот.
Имено, возачите во следните седум дена ќе точат Еуросупер БС-95 по цена од 69,50 денари за литар а Еуросупер БС 98 ќе се продава по 72 денари за литар.
Од друга страна пак со дизел резервоари ќе се полат по цена од 64 ден.литар.
53,50 денари за литар ќе чини Екстра лесното масло за домаќинство а расте и цената на мазутот кој ќе се продава по 34,034 денари за килограм.