Добивај вести на Viber
Во еднодневен штрајк во знак на протест поради острите мерки за штедење на Владата и планираните отпуштања, денеска се кренаа на нозе вработените во јавниот сектор во Атина.
Штрајкот го парализирал јавниот превоз и авиосообраќајот, а со работа прекинаа училиштата и даночните служби.
Вработените во железницата стапија во 48 часовен штрајк, додека вработените во трамваите ќе штрајкуваат неколку часа, а утре ќе запрат со работа цел ден.
На улиците во Атина се присутни околу две илјади полицајци, а од полицијата соопштиле дека не очекуваат големи немири.
Штрајкот го организирал еден од најголемите синдикати АДЕДИ кој собира половина милион вработени во јавниот сектор, односно четвртина од вкупниот број на работна сила во Грција.