НОВ СЛУЧАЈ: Непалци побегнале од работните места во Скопје и Тетово
Објавено во: Македонија 13 Јуни, 2024
Пријавено е дека работници од Непал избегале од Скопје и Тетово.
Во еден ден има две пријави за странски работници, кои ги напуштиле работните места во фирмите каде биле вработени. Вчера во 11.15 часот во СВР Скопје, М.Н.(41) од Скопје пријавил дека од работното место во општина Аеродром се оддалечиле шест лица од Непал, со привремен престој во Скопје. Друга фирма вчера пријавила дека си заминале работниците од истата држава.
Л.Џ.(36) од Скопје вчера во 14.15 часот, пријавил дека од работното место во Тетово се оддалечиле четири лица од Непал, со привремен престој во Скопје, кои биле вработени во компанија од Тетово, подружница Скопје, каде што тој е управител. Полицијата презема мерки за пронаоѓање на лицата.