НОВ УДАР ЗА РУСИЈА: За што ЕУ бара 1,4 милијарди евра?

Добивај вести на Viber

Eвропската унија планира да бара од Русија 1,39 милијарди евра годишно поради ограничување на увозот на свинско месо, а Светската трговска организација веќе упати барање на Брисел во арбитражниот суд.

Раководството на ЕУ го зголемува притисокот на Русија „во меѓусебната борба на санкции и реципрочни мерки“, пишува американски Политико.

Извори на медиумот запознаени со ситуацијата тврдат дека случајот на финансиска наплата од Русија се развил откако СТО му упатила на арбитражниот суд барање на Брисел за компензација.

Како што објаснил еден претставник на ЕУ, арбитражниот процес ќе реши дали барањето е правилно. После тоа, во случај на позитивна одлука, судот ќе одреди можни промени на оваа мерка против Русија.

Политико наведува дека во 2016 година СТО одлучила дека Русија вовела „незаконска“ забрана за увоз на свинско месо од ЕУ. Овие мерки нанесоа „тежок удар“ на земјоделците од Данска, Германија и Холандија.

„Санкциите и дадоа на Русија можност за зголемување на производството на месо откако од пазарот исчезна конкуренцијата во вид на странски компании“, стои во написот. Брисел со своите потези „почнува активно да го оспорува легитимитетот на политички мотивираните прехрамбени санкции против ЕУ“.

„Ова за Женева ќе биде интересна расправа“, изјавил европскиот трговски дипломат кој работи во Швајцарија.

Компензацијата од 1,39 милијарди евра годишно кои Брисел ги бара е еднаква на вкупната вредност на извоз на свинско од ЕУ во Русија во 2013 година. Се планира висината на казните секоја година да се зголемува за 15 отсто.