Нова германска винарница во Кавадарци?

Добивај вести на Viber

Германски инвеститори биле заинтересирани за изградба на винарница во Kавадарци, најави градоначалникот на Кавадарци,  Александар Панов. „Се надевам дека по завршувањето на формалностите, во Kавадарци ќе никне нова винарница со капацитет од 5 до 7 милиони литри“, вели Панов. Според него  со новиот капацитет ќе се надмине проблемот со откуп на грозјето и ќе нема криза. „Сушата и мразот кои однесоа околу 30% од родот доведоа до пазарна, а не договорена цена на грозјето, особено кај „смедеревката“. Цената ќе расте ако има доволно винарници што ќе се натпреваруваат меѓу себе. Ако има поголема понуда од побарувачка, нормално е да има депресивни цени, вели градоначалникот. Винарницата  ќе биде втора германска инвестиција во Kавадарци. Првата голема инвестиција е фабриката  „Дрекслер Мајер“ која ќе произведува кабли за „Мерцедес“.