Нова провокација од Бугарија? Претседателот на згаснатиот „Ванчо Михајлов“ примен во бугарското МНР

Добивај вести на Viber

Министерот за надворешни работи на Бугарија, Георг Георгиев, денес во Министерството за надворешни работи во Софија го прими претседателот на згаснатиот културен клуб од Битола, Иван Михајлов“, Љупчо Георгиевски.

„Најважното нешто во целиот период на тешкотии низ кои поминавте беше да знаете дека Бугарија стои зад вас - со целата сила на својата влада, своите институции, своето претставување во Република Северна Македонија. Длабоко не веруваме во мотивите што беа објавени против вас и во предметот на вашиот случај“, му рече министерот за надворешни работи Георгиев на Љупчо Георгиевски.

Средбата се одржа, како што беше соопштено, во контекст на зголемените напори на бугарската држава за заштита на правата на Бугарите во Република Северна Македонија.

Основниот суд во Битола го осуди Љупчо Горгиевски, поранешен претседател на сега веќе згаснатиот клуб „Ванчо Михајлов“, на една година затвор, условно. Пресудата се однесува на кривичното дело „величење на лик и дело“ на контроверзниот водач на ВМРО Иван (Ванчо) Михајлов, обвинение што Обвинителството го врзува со поттикнување национална и расна омраза преку интернет-објави.