Добивај вести на Viber
Од ББ+ кредитниот рејтинг на Македонија падна на ББ.
Ова го покажува најновиот извештај на кредитната рејтинг агенција „Фич“ објавен вчера.
Во извештајот е нотиранo и намалувањето на долгорочните обврзници во локална и странска валута кои паднаа од „ББ+“ на „ББ“.
Фич забележува дека кредитниот рејтинг паднал на пониско ниво поради политичката криза во земјава која почна од објавените скандали и обвиниувања за корупција во власта во февруари минатата година, при што Фич нотира дека „обвинувањата за корупција ги потврдуваат недостатоците во стандардите на добро владеење“.
Според извештајот она што влијаело за пад на рејтингот на Македонија се и повеќе месечните протести, неуспехот кој произлезе од пржинскиот договор и пропаднатите предвремени парламентарни избори во април и јуни оваа година.
Се наведуваат и опструкциите кои се прават во однос на работата на СЈО, а „Фич“ ни забележува и за последното задолжување од 450 милиони евра во јули.
„Фич“ претпоставува дека Македонија ќе продолжи со мерките на монетарната и фискалната политика во согласност со курсот на локалната валута на еврото.
Во однос на прашањето со името, ФИЧ нотира дека во близина нема решение и клуч со кој Грција ќе го отклучи патот на Македонија кон членство во НАТО и во ЕУ.