НОВИ ЗАГРИЖУВАЧКИ БРОЈКИ НА АГЕНЦИЈАТА - дури 40 илјади новорегистрирани невработени
Објавено во: Економија 24 Септември, 2020 19:50
Корона кризата го зема својот данок преку се поголем број отпуштања во земјава и нови невработени.
За период од шест месеци од стартот на кризата, или конкретно од крајот на февруари наваму, поради економските последици предизвикани од коронаврирусот, во земјава без работа останале дури 38.943 лица.
Тоа го покажуваат најновите податоци на Агенцијата за вработување.
Според последните показатели, Агенцијата регистрираше Нови три илјади невработени само во август годинава.
Конкретно, најновите бројки на Агенцијата за вработување покажуваат дека во август бројот на невработени лица во земјава достигнал 144.759 невработени, што во однос на јули е зголемување за точно 2.982 невработени.
Сепак, иако станува збор практично за три илјади отпуштања, августовскиот раст на бројот на невработени е понизок од оној што се случи во јули, а кој изнесуваше над осум илјади лица, или прецизно 8.322 граѓани од земјава кои во тој месец останаа без работа.
Во јули, како што покажуваат податоците на Агенцијата, бројот на невработени изнесуваше 141.777 лица, наспроти 133.455 лица кои беа невработени на крајот на јуни.
Претходно, во јуни, пак, Агенцијата за вработување забележа уште поголем раст на бројот на невработени, дури 12.268 лица во шестиот месец од годинава ги изгубија своите работни места, во споредба со крајот на мај, кога бројот на невработените изнесуваше 121.187 лица.
Или, ако се направи споредба во однос на крајот на февруари, со оглед што корона кризата почна на средината на март, може да се констатира дека таа за период од половина година донесе отпуштања од дури 40 илјади, или прецизно 38.943 нови неработени.
Како што е познато, државата одобри мерки за заштита на работните места, односно субвенции за газдите кои ќе ги задржат своите вработени. Но, откако тие прекинаа, во очекување на четвртиот сет мерки, нагло порасна и бројот на невработените.
Премиерот Зоран Заев исто така, неодамна рече дека има чуден раст на бројот на невработени откако прекинаа државните мерки за парична помош за фирмите, и ги повика газдите да не ги отпуштаат работниците, најавувајќи го и и четврти сет економски мерки.
Нина Нинеска-Фиданоска
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Трамп: Запленивме многу голем танкер покрај брегот на Венецуела
Лукашенко одобри: Се формира единствен енергетски пазар со Русија
Ова ќе ги погоди сите љубители на кафе – вкусот никогаш повеќе нема да биде ист
Заварувачи, готвачи, електричари - кои се другите дефицитарни професии во Европа?
Руски министер открива правило кое ѝ помогнало на Москва да издржи повеќе од 30.000 санкции
Пратениците го изгласаа Буџетот за 2026 година, колкави приходи и расходи се планирани?
Цената на среброто е на историски максимум, поскапува и платината
СИЛНА ДИНАМИКА ЗА КОМПЛЕТИРАЊЕ НА АВТОПАТСКОТО РЕШЕНИЕ НА КОРИДОРОТ 8: Николоски со видео го објави напредокот на изградбата
ЕУ се согласи за нов пакет санкции против Русија: 40 танкери и десетина поединци на листата
