Новинарите ќе ја тужат државата за 27 април
Објавено во: Македонија 14 Декември, 2018
Во пресрет на носењето на Законот за амнестија, дел од новинарите подготвуваат тужба за државата.
Ќе бидат тужени институциите на Република Македонија за настаните од 27 април лани.
Ова на својот Фејсбук профил го објави новинарот Боби Христов.
Тој повика сите заинтересирани новинари, сниматели кои извествуваат од Собранието да се координираат со нив.
„Нема правда, нема мир“, напиша Христов.
Лани при упадот во Собранието беа нападнати пратеници и новинари од толпата која упадна. Сега ќе има амнестија за учесниците, како што најавија властите.