НОВИТЕ ДИРЕКТОРИ ГИ ОТКРИЈА: Коце Трајановски, Сашо Клековски и Гоце Димовски си ги објавија платите
Објавено во: Економија 15 Август, 2024 12:50
Коце Трајановски, поранешниот пратеник и градоначалник на Град Скопје, си ја објави својата месечна нето плата во анкетниот лист што како нов директор на ЈП „Државни патишта“ го објави до Државната комисија за спречување на корупција.
Трајхановски месечно од „Државни патишта“ ќе добива 162.979 денари, односно 2.670 евра, што најверојатно го прави еден од најдоброплатените функционери во земјата и подобро платен од членовите на самата Влада.
Сепак неговиот потег е за поздравување, затоа што досега немаше таква пракса функционерите доброволно да ги објавуваат своите месечни примања во анкетните листови. Инаку, воопшто, вистинска енигма се платите на директорите на јавните претпријатија и акционерските друштва во државна сопственост. Нивните коефициенти ги одредуваат самите одбори, а не Владата или пак законските прописи.
Претходната Влада во март им ги намали коефициентите за пресметка на плата на 157 функционери, откако претходно тие фамозно им се зголемија за 78 отсто. Но станува збор за функционери што таа ги именува. Со одлуката се намалија коефициентите на генералниот секретар на владата, владиниот портпарол, националните координатори и нивните заменици, директорите на управите, на инспекторатите, на бироата, државните комисии, агенциите, заводите, фондовите, директорите на затвори, итн.
Коефициентите за функционерите што ги именува Владата се намалија во просек за 12,8 проценти. Сепак, прашање е дали нивните плати се намалија со намалувањето на коефициентите, затоа што просечната бруто плата во меѓувреме се зголеми за 15 отсто.
Доброволно во анкетните листови своите нето месечни плати ги објавија и Сашо Клековски и Гоце Димовски како нови директори на Фондот за здравство и Дирекцијата за технолошко-индустриски развојни зони. На своите „нови работни места“ тие ќе заработуваат по 120.000 денари месечно, односно по 2.000 евра.
Едни од ретките нови директори кои ги објавија своите плати во ДКСК се и Месуд Јакупи на Агенцијата за стоковни резерви (110.000 денари) и Фејсаљ Беадини во Бирото за процена (94.216 денари).
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Мицкоски: Економијата мора да излезе од замката на ниски плати
Миќовиќ за НИС и рафинеријата: Одлична можност фабриката во Панчево да се врати во српски раце
Милијардерите наследуваат рекордно ниво на богатство
Страв од вештачка интелигенција: Младите луѓе се префрлаат во квалификувани занаети
Кој е 10 пати побогат по изборната победа на Трамп: Се работи за еден од наследниците, а еве од што се збогатува
Директорот на НИС им се обрати на вработените: Еве што се случува со продажбата на компанијата
Еден од клучните генератори на побарувачката за биткоин оваа година моментално е во големи проблеми
ДО КОГА МОЖЕ ДА ИЗДРЖИ СРБИЈА? Вучиќ за ситуацијата со НИС: Сигурен сум дека Русите ќе се договорат
Планот на Нетфликс да го купи Ворнер Брос. ја фрла театарската индустрија во превирања
